ସଚିନଙ୍କ ସହ କାମ୍ବଲୀଙ୍କ କିପରି ସମ୍ପର୍କ ଥିଲା ଖୁଲାସା କଲେ ଭାଇ ବୀରେନ୍ଦ୍ର

ସେ କହିଛନ୍ତି ସଚିନ ଅଧିକାଂଶ ସମୟରେ ଫୋନ କରି କାମ୍ବଲୀଙ୍କ ସ୍ୱାସ୍ଥବସ୍ଥା ପଚାରି ବୁଝିଥାନ୍ତି । ସେ କହିଛନ୍ତି ଉଭୟ ଭଲ ଖେଳାଳି ଥିଲେ ମଧ୍ୟ କାମ୍ବଲୀ କେବେ ହେଲେ ନିଜକୁ ସଚିନଠାରୁ ଭଲ ବୋଲି ଭାଇଙ୍କୁ ମଧ୍ୟ କହି ନାହାନ୍ତି । ସଚିନଙ୍କ ସହ ତାଙ୍କ ବନ୍ଧୁତା ଏବେ ବି ଅତୁଟ ରହିଛି । ସେ ସର୍ବଦା ଆମ ପରିବାର ସହ ଛିଡା ହୋଇଛନ୍ତି । ମିଡିଆରେ ଯାହା କିଛି ଖବର ପ୍ରକାଶ ପାଏ ତାର ସତ୍ୟତା କିଛି ନ ଥାଏ । କାମ୍ବଲୀ ଏବେ ଅନେକ ବଦଳି ଯାଇଛନ୍ତି । ସେ ନିଜକୁ ଭଲ କରିବା ପାଇଁ ଚେଷ୍ଟା କରୁଛନ୍ତି । କାମ୍ବଲୀ ୧୯୯୧ରେ ଭାରତ ପକ୍ଷରୁ ଆନ୍ତର୍ଜାତୀୟ କ୍ରିକେଟରେ ପଦାର୍ପଣ କରିଥିଲେ । ୨୦୦୦ରେ ସେ ତାଙ୍କ କ୍ୟାରିୟରର ଶେଷ ମ୍ୟାଚ ଖେଳିଥିଲେ । ଭାରତ ପକ୍ଷରୁ ୧୭ ଟେଷ୍ଟରେ ୧୦୮୪ ରନ କରିଛନ୍ତି । ଏଥିରେ ୪ ଶତକ ଓ ୩ ଅର୍ଦ୍ଧଶତକ ରହିଛି । ୧୦୪ ଦିନିକିଆରେ ବିନୋଦ ୨୪୭୭ ରନ ସଂଗ୍ରହ କରିଛନ୍ତି । ଏଥିରେ ୨ ଶତକ ଓ ୧୪ ଅର୍ଦ୍ଧଶତକ ରହିଛି ।