ନୂଆଦିଲ୍ଲୀ: ଏସିଆ କପ୍ ୨୦୨୫ର ସୁପର-୪ ମ୍ୟାଚ୍ରେ ଟିମ୍ ଇଣ୍ଡିଆ ପାକିସ୍ତାନକୁ ୬ ୱିକେଟ୍ରେ ପରାସ୍ତ କରି ଏକ ଦମଦାର ବିଜୟ ହାସଲ କରିଛି। ଏହି ବିଜୟର ନାୟକ ଥିଲେ ଯୁବ ଓପନର୍ ଅଭିଷେକ ଶର୍ମା, ଯିଏ ୧୯ତମ ଓଭରରେ ୧୭୨ ରନ୍ର ଲକ୍ଷ୍ୟକୁ ସହଜରେ ହାସଲ କରିବାରେ ୩୯ ବଲ୍ରେ ଦ୍ରୁତ ୭୪ ରନ୍ କରିଥିଲେ। ଏହି ଶକ୍ତିଶାଳୀ ପ୍ରଦର୍ଶନ ପାଇଁ ତାଙ୍କୁ ପ୍ଲେୟାର ବି ଅଫ୍ ଦି ମ୍ୟାଚ୍ ବିବେଚିତ କରାଯାଇଥିଲା। ତେବେ ଭାରତ ଆକ୍ରମଣାତ୍ମକ ଭାବରେ ରନ ଚେଜ୍ ଆରମ୍ଭ କରିଥିଲା, ପ୍ରଥମ ଛଅ ଓଭରରେ ୬୯ ରନ କରିଥିଲା। ଅଭିଷେକ ଏବଂ ଶୁଭମନଙ୍କ ପ୍ରାରମ୍ଭିକ ଭାଗୀଦାରୀ ୧୦୦ ରନରେ ପହଞ୍ଚିଥିଲା, ଯାହା ଦଳ ପାଇଁ ଏକ ଦୃଢ଼ ମୂଳଦୁଆ ଯୋଗାଇଥିଲା। ଯଦିଓ ଭାରତ ପରେ ଚାରି ୱିକେଟ ହରାଇଥିଲା, କିନ୍ତୁ ଦ୍ରୁତ ଆରମ୍ଭ ମ୍ୟାଚକୁ ସହଜ କରିଥିଲା।
ତେବେ ମ୍ୟାଚ୍ ପରେ ପରେ ଏହି ଦୁଇ ଖେଳାଳୀ ପାକିସ୍ତାନକୁ କଡା ଜବାବ ଦେଇଛନ୍ତି । ଦୁବାଇରେ ଏସିଆ କପ୍ ସୁପର ୪ ମ୍ୟାଚ୍ ରେ ପାକିସ୍ତାନ ବିପକ୍ଷରେ ଭାରତକୁ ୬ ୱିକେଟରେ ବିଜୟୀ କରାଇବାର କିଛି ମିନିଟ୍ ପରେ, ସୋସିଆଲ ମିଡିଆରେ ପୋଷ୍ଟ କରି ପାକିସ୍ତାନକୁ କଟାକ୍ଷ କରିଥିଲେ ଅଭିଷେକ । ଲେଖିଥିଲେ, “ତୁମେ କଥା ହୁଅ, ଆମେ ଜିତିବୁ”, ଆଉ ତାହାର ଠିକ୍ ପରେ ପରେ ତାଙ୍କ ପିଲାଦିନର ବନ୍ଧୁ ତଥା ପାଟନର ଇନ୍ କ୍ରାଇମ୍ ଶୁଭମନ ଗିଲ ମଧ୍ୟ ଏକ ପୋଷ୍ଟ କରିଥିଲେ, ଯେଉଁଥିରେ ଲେଖାଥିଲା, “ଖେଳ କଥା କହେ, ଶବ୍ଦ ନୁହେଁ।” ଯାହା ସ୍ପଷ୍ଟ କରିଥିଲା ଯେ, ଭାରତୀୟ କ୍ରିକେଟରମାନେ ସୋସିଆଲ ମିଡିଆରେ ଫମ୍ପା କଥା କମ୍ କୁହନ୍ତି, ସେମାନେ ନୀରବତାକୁ ପସନ୍ଦ କରନ୍ତି। ସେମାନେ ସ୍କୋରବୋର୍ଡକୁ କଥା କହିବାକୁ ଦିଅନ୍ତି।
ତେବେ କହିରଖୁଛୁ ପୂର୍ବରୁ ମଧ୍ୟ ସେପ୍ଟେମ୍ବର ୧୪ରେ ଭାରତଠୁ ହାରିଥିଲା ପାକିସ୍ତାନ । ପୂର୍ବରୁ, ଭାରତ ଏକ ଗ୍ରୁପ୍ ପର୍ଯ୍ୟାୟ ମ୍ୟାଚ୍ରେ ପାକିସ୍ତାନକୁ ୭ ୱିକେଟ୍ରେ ପରାସ୍ତ କରିଥିଲା।ଭାରତ ସୁପର-୪ ବିଜୟ ସହିତ ଆରମ୍ଭ କରିଥିଲା, ଏବଂ ଏହି ଏସିଆ କପ୍ରେ ପାକିସ୍ତାନ ବିପକ୍ଷରେ ଏବେ ଭାରତର ଦ୍ୱିତୀୟ ବିଜୟ। ଏସିଆ କପ୍ ୨୦୨୫ର ଦ୍ୱିତୀୟ ସୁପର-୪ ମ୍ୟାଚ୍ରେ ଭାରତ ସହଜରେ ପାକିସ୍ତାନକୁ ୬ ୱିକେଟ୍ରେ ପରାସ୍ତ କରିଛି। ପାକିସ୍ତାନ ଭାରତ ପାଇଁ ୧୭୨ ରନ୍ର ଲକ୍ଷ୍ୟ ରଖିଥିଲା ବେଳେ ଟିମ୍ ଇଣ୍ଡିଆ ମାତ୍ର ୧୮.୫ ଓଭରରେ ୬ ୱିକେଟ୍ ହାତରେ ରଖି ଏହି ଲକ୍ଷ୍ୟ ହାସଲ କରିଛି। ଏହି ମ୍ୟାଚ୍ରେ ଭାରତ ପାଇଁ ଅଭିଷେକ ଶର୍ମା ୭୪ ରନ୍ର ଏକ ଧମାକାଦାର ଇନିଂସ ଖେଳିଥିଲେ। ସେ ଏହି ମ୍ୟାଚ୍ରେ ଭାରତର ବିଜୟର ନାୟକ ଥିଲେ। ଟସ୍ ହାରିବା ପରେ ଏବଂ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେବା ପରେ, ପାକିସ୍ତାନର ଆରମ୍ଭ ଭଲ ନଥିଲା। ଫଖର ଜମାନ ୯ ବଲ୍ ରୁ ୧୫ ରନ୍ କରି ଆଉଟ୍ ହୋଇଥିଲେ, ତାଙ୍କ ୱିକେଟ୍ ୨୧ ରନ୍ ରେ ପଡ଼ିଥିଲା। ଏହାପରେ ସାହିବଜାଦା ଫରହାନ ଏବଂ ସାମ ଆୟୁବ ଦ୍ୱିତୀୟ ୱିକେଟ୍ ପାଇଁ ୭୧ ରନ୍ ର ପାର୍ଟନରସିପ୍ କରିଥିଲେ। ଆୟୁବ ୨୧ ରନ୍ କରି ଆଉଟ୍ ହୋଇଥିଲେ। ମହମ୍ମଦ ନୱାଜ ମଧ୍ୟ ୨୧ ରନ୍ ର ଯୋଗଦାନ ଦେଇଥିଲେ। ହୁସେନ ତଲତ ଏହି ମ୍ୟାଚ୍ ରେ ସମସ୍ତଙ୍କୁ ନିରାଶ କରିଥିଲେ, ୧୧ ବଲ୍ ରୁ ମାତ୍ର ୧୦ ରନ୍ କରିପାରିଥିଲେ। ଶେଷରେ, ସଲମାନ ଅଲି ଆଗା ୧୭ ରନ୍ କରିଥିଲେ, ଏବଂ ଫହୀମ ଆଶରଫ୍ ୮ ବଲ୍ ରୁ ୨୦ ରନ୍ କରି ପାକିସ୍ତାନକୁ ୧୭୦ ପାର କରାଇଥିଲେ। ଭାରତର ବୋଲିଂ ଆକ୍ରମଣରେ ଶିବମ୍ ଦୁବେ ସାମିଲ ଥିଲେ, ଯିଏ ସର୍ବାଧିକ ଦୁଇଟି ୱିକେଟ୍ ନେଇଥିଲେ। ହାର୍ଦ୍ଦିକ ପାଣ୍ଡ୍ୟା ଏବଂ କୁଲଦୀପ ଯାଦବ ପ୍ରତ୍ୟେକେ ଗୋଟିଏ ୱିକେଟ୍ ନେଇଥିଲେ।
ଶୁଭମାନ ଗିଲ୍ ଏବଂ ଅଭିଷେକ ଶର୍ମା ପ୍ରଥମ ୱିକେଟ୍ ପାଇଁ ୧୦୫ ରନ୍ ର ପାର୍ଟନରସିପ୍ କରିଥିଲେ। ଅଭିଷେକ ଶର୍ମା ୨୪ ବଲ୍ ରେ ତାଙ୍କର ଅର୍ଦ୍ଧଶତକ ପୂରଣ କରିଥିଲେ ଏବଂ ୩୯ ବଲ୍ ରୁ ୭୪ ରନ୍ କରି ଆଉଟ୍ ହୋଇଥିଲେ। ସେ ତାଙ୍କ ଇନିଂସ୍ ସମୟରେ ଛଅ ଚୌକା ଏବଂ ପାଞ୍ଚ ଛକା ମାରିଥିଲେ। ତାଙ୍କ ସାଥୀ ଗିଲ୍ ୨୮ ବଲ୍ ରେ ୪୭ ରନ୍ କରି ଆଉଟ୍ ହୋଇଥିଲେ। ଗିଲ୍ ତାଙ୍କ ଇନିଂସରେ ୮ଟି ଚୌକା ମାରିଥିଲେ। ତୃତୀୟ ନମ୍ବରରେ ବ୍ୟାଟିଂ କରିବାକୁ ଆସିଥିବା ଅଧିନାୟକ ସୂର୍ଯ୍ୟକୁମାର ଯାଦବ ଏହି ମ୍ୟାଚ୍ ରେ ନିଜର ଖାତା ମଧ୍ୟ ଖୋଲିପାରି ନଥିଲେ, ସେ କୌଣସି ରନ୍ ନକରି ତିନି ବଲ୍ ରେ ଆଉଟ୍ ହୋଇଥିଲେ। ଓମାନ ବିପକ୍ଷ ମ୍ୟାଚ୍ ରେ ଅର୍ଦ୍ଧଶତକ ହାସଲ କରିଥିବା ସାମସନ୍ ୧୭ ବଲ୍ ରେ ୧୩ ରନ୍ କରି ଏହି ମ୍ୟାଚ୍ ରେ ଆଉଟ୍ ହୋଇଥିଲେ। ଶେଷରେ ହାର୍ଦ୍ଦିକ ଏବଂ ତିଲକ୍ ଭାରତକୁ ବିଜୟ ଦେବା ପରେ ଫେରିଥିଲେ। ତିଲକ୍ ବର୍ମା ୩୦ ରନ୍ କରି ଅପରାଜିତ ରହିଥିଲେ ଏବଂ ହାର୍ଦ୍ଦିକ ୭ ରନ୍ କରି ଅପରାଜିତ ରହିଥିଲେ।