ମୁମ୍ବାଇ: ରିଲିଜ୍ ହେବା ମାତ୍ରେ ହିଟ ହେଲା ‘ବର୍ଡର 2’ । ରିଲିଜ୍ ହେଲା ‘ବର୍ଡର 2’ର ଟିଜର, ଭାବପ୍ରବଣ ହେଲେ ସନି ଦେଓଲ ।ବିଜୟ ଦିବସରେ ଆସିଲା ‘ବର୍ଡର 2 ‘ ଟିଜର ।
ସନ୍ନି ଦେଓଲଙ୍କ ‘ବର୍ଡର ୨’ ଟିଜର ରିଲିଜ୍ ହେବା ମାତ୍ରେ ହିଟ୍ ହୋଇଗଲା । ସନ୍ନି ଦେଓଲ ପୁଣିଥରେ ପାକିସ୍ତାନକୁ କଡ଼ା ଜବାବ ଦେବାକୁ ଫେରିଛନ୍ତି। ଗଦର 2 ଏବଂ ଜାଟ ସହିତ ହଇଚଇ ସୃଷ୍ଟି କରିବା ପରେ, ଅଭିନେତା ଏବେ ତାଙ୍କର ବହୁ ପ୍ରତୀକ୍ଷିତ ଦେଶପ୍ରେମୀ ଚଳଚ୍ଚିତ୍ର, ବର୍ଡର 2 ସହିତ ଥିଏଟରରେ ଧମାକା କରିବାକୁ ଫେରିଛନ୍ତି।ଟିଜରରେ ସନି ଦେଓଲ, ବରୁଣ ଧାୱନ, ଦିଲଜିତ ଦୋସାଞ୍ଜ ଏବଂ ଆହାନ ସେଟ୍ଟିଙ୍କ ଝଲକ ଦେଖି ପ୍ରଶଂସକମାନେ ବହୁତ ଉତ୍ସାହିତ ହୋଇଛନ୍ତି ଏବଂ ସୋସିଆଲ ମିଡିଆରେ ପ୍ରଶଂସାର ପାତ୍ର ମଧ୍ୟ ହୋଇଛନ୍ତି।
ଦର୍ଶକ ଏହି ଟିଜରକୁ ଏକ ମାଷ୍ଟରପିସ୍ ବୋଲି ମଧ୍ୟ କହିଛନ୍ତି। ଲଞ୍ଚ୍ ଇଭେଣ୍ଟ ସମୟରେ ସନ୍ନି ଦେଓଲ ବହୁତ ଭାବପ୍ରବଣ ହୋଇଯାଇଥିଲେ। ସନ୍ନିଙ୍କ ପିତା ତଥା ବରିଷ୍ଠ ଅଭିନେତା ଧର୍ମେନ୍ଦ୍ରଙ୍କ ମୃତ୍ୟୁ ପରେ ଏହା ରିଲିଜ୍ ହୋଇଥିଲା। ଏହି ଅବସରରେ ସନ୍ନିଙ୍କୁ କାନ୍ଦିବାର ଦେଖାଯାଇଥିଲା।