କର୍ମଚାରୀଙ୍କୁ ଦୀପାବଳି ଭେଟି, ୫୧ଟି ଦାମୀ କାର ଗିଫ୍ଟ କଲା କମ୍ପାନୀ…

ଶିଳ୍ପପତି ଏମ.କେ.ଭାଟିଆ ନିଜର ଉଦାରତା ପାଇଁ ଖୁବ୍ ପରିଚିତ। ନିଜର କର୍ମଚାରୀ ମାନଙ୍କୁ ସେଲିବ୍ରିଟି ଭାବୁଥିବା ଭାଟିଆ କ୍ରମାଗତ ତୃତୀୟ ବର୍ଷ ଧରି ସେମାନଙ୍କୁ ନୂତନ କାର ଉପହାର ଦେଇଛନ୍ତି। ସେ ନିଜ କର୍ମଚାରୀଙ୍କୁ ୫୧ଟି ଦାମୀ କାର ଗିଫ୍ଟ କରିଛନ୍ତି। ଏହି ପଦକ୍ଷେପ ଦ୍ଵାରା କର୍ମଚାରୀମାନେ ଆନନ୍ଦିତ ହେବା ସହ ସାମାଜିକ ଗଣମାଧ୍ୟମରେ ମଧ୍ୟ ଏହା ଆଲୋଚନାର ବିଷୟ ପାଲଟିଥିଲା। କର୍ମଚାରୀମାନଙ୍କର ଖୁସି ବାଣ୍ଟିବା ସହ ସେମାନଙ୍କ ସହିତ ସଫଳତା ବାଣ୍ଟିବା ତାଙ୍କର ସର୍ବୋଚ୍ଚ ପ୍ରାଥମିକତା ବୋଲି ଭାଟିଆ କହିଥିଲେ। ଏଥିସହିତ କର୍ମଚାରୀଙ୍କ କଠିନ ପରିଶ୍ରମର ଅବଦାନକୁ ସମ୍ମାନ ଏବଂ ସ୍ୱୀକୃତି ଦେବାରେ ଏହା ଏକ ଉପାୟ ବୋଲି ମଧ୍ୟ ସେ କହିଛନ୍ତି।