୨୦ ବର୍ଷ ତଳର ସେହି ବ୍ଲକବଷ୍ଟର ଫିଲ୍ମ
ନୂଆଦିଲ୍ଲୀ: ବଲିଉଡର ଶେହେନଶାହ ଅମିତାଭ ବଚ୍ଚନ ଏବଂ ଡ୍ରିମ୍ ଗାର୍ଲ ହେମା ମାଳିନୀଙ୍କ ଯୋଡ଼ି ହିନ୍ଦୀ ସିନେମାରେ ସୁପରହିଟ୍ । କିନ୍ତୁ ଆପଣ ଜାଣନ୍ତି କି, ଏହି ଯୋଡ଼ି କେବଳ ହିନ୍ଦୀ ନୁହେଁ ବରଂ ଆଞ୍ଚଳିକ ସିନେମା ଜଗତରେ ମଧ୍ୟ ବ୍ଲକବଷ୍ଟର ରେକର୍ଡ କରିଛି ? ଆଜି ଆମେ କହିବୁ ସେହି ଭୋଜପୁରୀ ଫିଲ୍ମ ବିଷୟରେ, ଯାହା ୨୦ ବର୍ଷ ତଳେ ବକ୍ସ ଅଫିସରେ ସୁନାମି ଆଣିଥିଲା ।
୨୦୦୬ରେ ମୁକ୍ତିଲାଭ କରିଥିବା ଭୋଜପୁରୀ ଫିଲ୍ମ ‘ଗଙ୍ଗା’ । ଏହି ଫିଲ୍ମରେ ଅମିତାଭ ବଚ୍ଚନ ‘ଠାକୁର ବିଜୟ’ ଭୂମିକାରେ ଏବଂ ହେମା ମାଳିନୀ ତାଙ୍କ ପତ୍ନୀ ‘ସାବିତ୍ରୀ’ ଭୂମିକାରେ ନଜର ଆସିଥିଲେ। ଯଦିଓ ଏହି ଫିଲ୍ମରେ ମନୋଜ ତିୱାରୀ ଓ ରବି କିଷନଙ୍କ ଭଳି ଭୋଜପୁରୀ ସୁପରଷ୍ଟାର ଥିଲେ, କିନ୍ତୁ ବିଗ୍ ବି-ଙ୍କ ଉପସ୍ଥିତି ଏହି ଫିଲ୍ମକୁ ଏକ ନୂଆ ଉଚ୍ଚତାକୁ ନେଇଯାଇଥିଲା ।
ଫିଲ୍ମର କାହାଣୀ ଗଙ୍ଗା ନାମକ ଜଣେ ସାହସୀ ଓ ଶିକ୍ଷିତ ଝିଅ ନଗ୍ମା ଉପରେ ଆଧାରିତ। ଫିଲ୍ମରେ ଶଙ୍କର ଅର୍ଥାତ୍ ରବି କିଷନ, ଗଙ୍ଗାକୁ ବଞ୍ଚାଇବାକୁ ଯାଇ ନିଜେ ଅପଙ୍ଗ ହୋଇଯାନ୍ତି, ଯାହାପରେ କାହାଣୀରେ ଆସେ ଏକ ବଡ଼ ମୋଡ଼। ଆକ୍ସନ, ରୋମାଞ୍ଚ ଓ ଭାବପ୍ରବଣତାରେ ଭରପୂର ଏହି ଫିଲ୍ମ ସେତେବେଳେ ବକ୍ସ ଅଫିସର ସମସ୍ତ ରେକର୍ଡ ଭାଙ୍ଗି ଦେଇଥିଲା । ୫ କୋଟି ବଜେଟରେ ତିଆରି ଏହି ଫିଲ୍ମ ୩୫ କୋଟିରୁ ଅଧିକ କମାଇ କରି ସେହି ସମୟର ସବୁଠୁ ବଡ଼ ହିଟ୍ ସାବ୍ୟସ୍ତ ହୋଇଥିଲା । ଆଜି ବି ଅମିତାଭ ବଚ୍ଚନ ଓ ହେମା ମାଳିନୀଙ୍କର ଏହି ଭୋଜପୁରୀ ଅବତାରକୁ ଦର୍ଶକ ବେଶ୍ ମନେ ରଖିଛନ୍ତି।
ଏହି ଫିଲ୍ମ ପ୍ରମାଣ କରିଥିଲା ଯେ, ଅମିତାଭ ଏବଂ ହେମାଙ୍କ ଯୋଡ଼ିର କ୍ରେଜ୍ ଭାଷାର ସୀମା ବାହାରେ। ଆଜି ବି ଭୋଜପୁରୀ ସିନେମା ଜଗତରେ ‘ଗଙ୍ଗା’ ଏକ ମାଇଲଖୁଣ୍ଟ ହୋଇ ରହିଛି ।
