କ୍ୟାବିନେଟ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି; FCRA ବିଲ୍ ଓ’ଭବ୍ୟ’ ଯୋଜନକୁ ମଞ୍ଜୁରୀ

ନୂଆଦିଲ୍ଲୀ: କେନ୍ଦ୍ର କ୍ୟାବିନେଟ ବୈଠକରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। ଭାରତ ଶିଳ୍ପ ବିକାଶ ଯୋଜନା (BHAVYA)କୁ ମଞ୍ଜୁରୀ ଦିଆଯାଇଛି। ବଜେଟରେ ଏହା ଘୋଷଣା କରାଯାଇଥିଲା। ଏହି ଯୋଜନା ଅଧୀନରେ, ସାରା ଦେଶରେ ୧୦୦ଟି ଶିଳ୍ପ କ୍ଲଷ୍ଟର ସୃଷ୍ଟି କରାଯିବ। ଏଗୁଡ଼ିକ ପ୍ଲଗ୍-ଏଣ୍ଡ-ପ୍ଲେ ହେବ, ଅର୍ଥାତ୍ ରାସ୍ତା, ବିଦ୍ୟୁତ୍ ଏବଂ ପାଣି ଭଳି ସୁବିଧା ପୂର୍ବରୁ ସଂସ୍ଥାପିତ ହେବ। ୧୦୦ଟି ବଡ଼ ଶିଳ୍ପ ସହର ବିକଶିତ ହେବ। FCRA ସଂଶୋଧନ ବିଲ୍ ମଧ୍ୟ ମଞ୍ଜୁର ହୋଇଛି।

ସୂଚନା ଏବଂ ପ୍ରସାରଣ ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଏହି ଯୋଜନାରେ ₹୩୩,୬୬୦କୋଟି ଖର୍ଚ୍ଚ ହେବ। ଏହି ଯୋଜନାର ଲକ୍ଷ୍ୟ ହେଉଛି ଭାରତକୁ ଆତ୍ମନିର୍ଭରଶୀଳ କରିବା। ଏହି ଯୋଜନା “ମେକ୍ ଇନ୍ ଇଣ୍ଡିଆ”ର ଏକ ବୃହତ ସଂସ୍କରଣ, ଯାହା ବିଶ୍ୱବ୍ୟାପୀ ଭାରତୀୟ ନିର୍ମିତ ସାମଗ୍ରୀ ବିକ୍ରୟ କରିବା ଲକ୍ଷ୍ୟ ରଖିଛି।

ଭାବ୍ୟ ଯୋଜନାର ଉଦ୍ଦେଶ୍ୟ?
-ଭାରତରେ ଯଥାସମ୍ଭବ ସାମଗ୍ରୀ ଉତ୍ପାଦନ ଉପରେ ଗୁରୁତ୍ୱ ଦେବା।
-ନୂତନ ଶିଳ୍ପ କ୍ଷେତ୍ର ସୃଷ୍ଟି କରିବା।
-କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ (MSME) ଗୁଡ଼ିକର ବୃଦ୍ଧିରେ ସାହାଯ୍ୟ କରିବା।
-ଉତ୍ପାଦନ ବୃଦ୍ଧି ମାଧ୍ୟମରେ ଯୁବକମାନଙ୍କ ପାଇଁ ନୂତନ ନିଯୁକ୍ତି ସୁଯୋଗ ସୃଷ୍ଟି କରିବା।
-ଶିଳ୍ପଗୁଡ଼ିକୁ ଉତ୍ତମ ରାସ୍ତା, ବିଦ୍ୟୁତ୍, ନୂତନ ପ୍ରଯୁକ୍ତିବିଦ୍ୟା ଏବଂ ସୁଲଭ ଋଣ ପ୍ରଦାନ କରିବା।

FCRA ସଂଶୋଧନ ବିଲ୍ ଅର୍ଥାତ୍ ବିଦେଶୀ ଅବଦାନ (ନିୟନ୍ତ୍ରଣ) ଆଇନ ସଂଶୋଧନ ବିଲ୍ ମଧ୍ୟ ମଞ୍ଜୁର ହୋଇଛି । ଏହାର ପ୍ରାଥମିକ ଉଦ୍ଦେଶ୍ୟ ହେଉଛି ଭାରତରେ ଅଣ-ସରକାରୀ ସଂଗଠନ (ଏନଜିଓ)କୁ ବିଦେଶୀ ଦାନ ସମ୍ପର୍କରେ ସ୍ୱଚ୍ଛତା ଏବଂ ଉତ୍ତରଦାୟିତ୍ୱ ବୃଦ୍ଧି କରିବା। ଆଜି ବସିଥିବା କେନ୍ଦ୍ର କ୍ୟାବିନେଟ୍ ବିଦେଶୀ ପାଣ୍ଠି ପରିଚାଳନା ନିୟମକୁ ଆହୁରି ସଂଶୋଧନ କରିବା ପାଇଁ ନୂତନ ସଂଶୋଧନ ବିଲ୍ କୁ ଅନୁମୋଦନ କରିଛି।