କିଏ ହେବେ ଓଡିଶାର ନୂଆ ଡିଜିପି, ରେସରେ ୩ ଅଧିକାରୀ

ଭୁବନେଶ୍ୱର: ଓଡିଶାର ପୂର୍ଣ୍ଣକାଳୀନ ଡିଜିପି କିଏ ହେବେ ତାକୁ ନେଇ ସସପେନ୍ସ ଲାଗି ରହିଛି। ଏହାରି ମଧ୍ଯରେ ମୋହନ ସରକାର ବର୍ତ୍ତମାନ ରାଜ୍ୟରେ କାର୍ଯ୍ୟ କରୁଥିବା ତିନିଜଣ ବରିଷ୍ଠ ଆଇପିଏସ୍ ଅଧିକାରୀଙ୍କୁ ସେମାନଙ୍କ ବାୟୋଡାଟା ଏବଂ ଅନ୍ୟାନ୍ୟ ତଥ୍ୟ ସୂଚନା ପ୍ରଦାନ କରିବାକୁ କହିଛନ୍ତି।

ଓଡିଶା ରାଜ୍ୟ ପୋଲିସ ମୁଖ୍ୟାଳୟ ରବିବାର ଦିନ ଏକ ଚିଠିରେ ୧୯୮୯ ବ୍ୟାଚ୍ ଅଧିକାରୀ ଅରୁଣ ରାୟ ଓ ଏସ୍ ମ ନରଭାନେ ଏବଂ ୧୯୯୦ ବ୍ୟାଚ୍ ଅଧିକାରୀ ୟେ ବି ଖୁରାନିଆଙ୍କୁ ସେମାନଙ୍କର ବାୟୋଡାଟା ପ୍ରଦାନ କରିବାକୁ କହିଛନ୍ତି, ଏକାଡେମିକ୍ ସଫଳତା ସହିତ ରାଜ୍ୟ ଗୃହ ବିଭାଗରେ ଦାଖଲ କରିବେ।

ଏହି ୩ଜଣ ବାୟୋଡାଟା ଦେବା ପରେ ଗୃହ ବିଭାଗ ଡିଜିପି ଚୟନ ନେଇ ଗଠିତ କମିଟିଙ୍କୁ ଏହି ତଥ୍ୟ ପଠାଇବ ବୋଲି ଜଣାପଡିଛି।

ତେବେ ଏହି ନିଯୁକ୍ତି ପାଇଁ ରାଜ୍ୟ ସରକାର ୟୁପିଏସସିକୁ ଏକ ବରିଷ୍ଠ ଆଇପିଏସଙ୍କର ତାଲିକା ପଠାଇଥାନ୍ତି। ୟୁପିଏସସି ସେମାନଙ୍କ କ୍ୟାରିୟର ଓ ବିଭିନ୍ନ ଦିଗକୁ ତର୍ଜମା କରି ତିନିଟି ନାଁ ରାଜ୍ୟ ସରକାରଙ୍କ ନିକଟକୁ ପଠାଇଥାନ୍ତି। ତନ୍ମଧ୍ୟରୁ ଜଣଙ୍କୁ ଡିଜିପି ଭାବେ ନିଯୁକ୍ତି ଦେଇଥାନ୍ତି ରାଜ୍ୟ ସରକାର।