ଭାଷା ବିବାଦରେ ଶାହଙ୍କ ଏଣ୍ଟ୍ରି: କହିଲେ, ‘କ୍ଷମା ମାଗୁଛି, ମୁଁ ତାମିଲରେ କହିପାରିଲିନି…’
BREAKING NEWS
- ଏହି ରୋଗରେ ପୀଡିତା ବିଗ୍ ବସ୍ ଓଟିଟି ୩ ବିଜେତା ସନା ମକବୁଲ୍….ହସ୍ପିଟାଲରେ ଭର୍ତ୍ତି
- ସମୁଦ୍ର ମଝିରେ ଜାହାଜରେ ବିସ୍ଫୋରଣ ; ଭାରତୀୟ ତଟରକ୍ଷୀ ବାହିନୀର ଉଦ୍ଧାର କାର୍ଯ୍ୟ ଜାରି
- ଦିନ ସାଢେ ୧୧ଟା ସୁଦ୍ଧା ଝାରସୁଗୁଡ଼ା ଓ ସମ୍ବଲପୁରରେ ସର୍ବାଧିକ ତାପମାତ୍ରା ୩୮ ଡିଗ୍ରୀ ରେକର୍ଡ
- ଇରାନ ରାସ୍ତାରେ ବୁଲିବେନି କୁକୁର
- ଦୁର୍ନୀତିଗ୍ରସ୍ତ ବାବୁଙ୍କୁ ରାଜସ୍ବ ମନ୍ତ୍ରୀଙ୍କ ଚେତାବନୀ ‘ସରକାରଙ୍କ ସଂକଳ୍ପ, ଯେଉଁଠି ଥିଲେ ବି ବନ୍ଧାହେବେ’
- ପିଓକେରେ ପୁନଃ ସକ୍ରିୟ ହେଲା ଲଞ୍ଚ ପ୍ୟାଡ୍; ମୁକାବିଲା ପାଇଁ ଭିଲେଜ ଡିଫେନ୍ସ ଗାର୍ଡଙ୍କୁ ତାଲିମ ଦେଉଛି ସେନା
- କାହିଁକି ପଡିଆ ମଝିରେ କାନ୍ଦିଲେ କ୍ରିଷ୍ଟିଆନୋ ରୋନାଲ୍ଡୋ?, ବିରାଟଙ୍କ ସହ ଯୋଡିଲେ ପ୍ରଶଂସକ…
- ନକ୍ସଲଙ୍କ ଆଇଇଡି ବିସ୍ଫୋରଣରେ ଏଏସପି ସହିଦ
- ଲାଞ୍ଚ ନେଇ ଧରାପଡିଲେ ଲାଞ୍ଚୁଆ ଉପଜିଲ୍ଲାପାଳ
- ଭାଷା ବିବାଦରେ ଶାହଙ୍କ ଏଣ୍ଟ୍ରି: କହିଲେ, ‘କ୍ଷମା ମାଗୁଛି, ମୁଁ ତାମିଲରେ କହିପାରିଲିନି…’
ନୂଆଦିଲ୍ଲୀ: ଦକ୍ଷିଣ ଭାରତରେ ଏବେ ଭାଷା ବିବାଦ ଜୋର ତେଜିଛି । ହିନ୍ଦୀ-ତାମିଲ ଭାଷା ବିବାଦ ଭିତରେ ଥିବା ବେଳେ, ହିନ୍ଦୀ ଭାଷାକୁ ଅଧିକ ଟାର୍ଗେଟ କରିଛନ୍ତି ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ୍ । ଏନେଇ ଅନେକ ରାଜନେତାଙ୍କ ଠାରୁ ଆରମ୍ଭ କରି ଅଭିନେତା ଭିନ୍ନ ମତ ପାଇଁ ମଧ୍ୟ ବିବାଦରେ ଅଛନ୍ତି । ଏହାରି ଭିତରେ ଭାଷା ବିବାଦରେ ଏଣ୍ଟ୍ରି ମାରିଚନ୍ତି କେନ୍ଦ୍ର ଗୃହ ମନ୍ତ୍ରୀ ଅମିତ୍ ଶାହ । କେନ୍ଦ୍ର ଗୃହମନ୍ତ୍ରୀ ଅମିତ ଶାହ ରବିବାର ମଦୁରାଇରେ ଏକ ଭାଷଣ ସମୟରେ ତାମିଲକୁ ଭାରତର ସର୍ବୋତ୍ତମ ଭାଷା ମଧ୍ୟରୁ ଗୋଟିଏ ବୋଲି ବର୍ଣ୍ଣନା କରିଥିଲେ । ଆଉ ଏହି ଭାଷାରେ ତାଙ୍କର ବାର୍ତ୍ତା ପହଞ୍ଚାଇ ନ ପାରିବାରୁ କ୍ଷମା ମାଗିଥିଲେ ।
ମଦୁରାଇରେ ବିଜେପି କର୍ମୀମାନଙ୍କୁ ସମ୍ବୋଧିତ କରି ଶାହ କହିଥିଲେ, ମୁଁ ତାମିଲନାଡୁର ଦଳୀୟ କର୍ମୀମାନଙ୍କ ନିକଟରେ କ୍ଷମା ମାଗୁଛି କାରଣ ମୁଁ ସେମାନଙ୍କ ସହିତ ଭାରତର ସର୍ବୋତ୍ତମ ଭାଷା ମଧ୍ୟରୁ ଗୋଟିଏ ତାମିଲରେ କଥା ହୋଇ ପାରିଲି ନାହିଁ । ଶାହଙ୍କ ଏହି ମନ୍ତବ୍ୟ ତାମିଲନାଡୁ ସରକାରଙ୍କ ପାଇଁ ଏକ କଟାକ୍ଷ ସଦୃଶ୍ୟ ଭାବେ ଉପସ୍ଥାପନା କରିଛନ୍ତି ରାଜନୀତିଜ୍ଞ । ଏଥିସହିତ ଶାହ ଦକ୍ଷିଣ ରାଜ୍ୟରେ ନିର୍ବାଚନ ବିଗୁଲ୍ ବଜାଇ ଦଳୀୟ କର୍ମୀମାନଙ୍କୁ ଆଶ୍ୱାସନା ଦେଇଥିଲେ ଯେ ଆସନ୍ତା ବର୍ଷ ଡିଏମକେ ପରାଜିତ ହେବ ଏବଂ ବିଜେପି-ଏଆଇଏଡିଏମକେର ଏନଡିଏ ସରକାର ଗଠନ କରିବ । କହିଥିଲେ, ୨୦୨୬ରେ ଏଠାରେ ବିଜେପି-ଏଆଇଏଡିଏମକେ ମେଣ୍ଟର ଏକ ଏନଡିଏ ସରକାର ଗଠନ ହେବ।
ତେବେ କହିରଖୁଛୁ, ଡିଏମକେ ନେତୃତ୍ୱାଧୀନ ତାମିଲନାଡୁ ସରକାର କେନ୍ଦ୍ର ସରକାର ଉପରେ ଏନଇପିର ତିନି-ଭାଷା ସୂତ୍ର ମାଧ୍ୟମରେ ହିନ୍ଦୀ ଲାଗୁ କରିବାକୁ ଚେଷ୍ଟା କରୁଥିବାର ନିରନ୍ତର ଅଭିଯୋଗ ଆଣୁଥିବା ଭିତରେ ଶାହଙ୍କ ଏହି ମନ୍ତବ୍ୟ ସାମ୍ନାକୁ ଆସିଛି । ଏମକେ ଷ୍ଟାଲିନଙ୍କ ନେତୃତ୍ୱାଧୀନ ରାଜ୍ୟ ସରକାରଙ୍କ ସହିତ କେନ୍ଦ୍ର ସରକାରଙ୍କ ଭାଷା ଯୁଦ୍ଧ ଲାଗିରହିଛି । ମୁଖ୍ୟମନ୍ତ୍ରୀ ଏମକେ ଷ୍ଟାଲିନ କହିଛନ୍ତି ଯେ ତାଙ୍କ ସରକାର ହିନ୍ଦୀ ଉପନିବେଶବାଦକୁ ସହ୍ୟ କରିବ ନାହିଁ ଏବଂ ଭାଷା ପ୍ରସଙ୍ଗ ଉପରେ ଆଧାରିତ ୨୦୨୬ ତାମିଲନାଡୁ ବିଧାନସଭା ନିର୍ବାଚନ ଲଢ଼ିବାକୁ ବିଜେପିକୁ ଆହ୍ୱାନ ଦେଇଛନ୍ତି । ଯାହାକୁ ନେଇ ଏହି ବର୍ଷ ମାର୍ଚ୍ଚରେ ଏନଇପି ପ୍ରସଙ୍ଗ କେନ୍ଦ୍ର ଏବଂ ତାମିଲନାଡୁ ସରକାରଙ୍କ ମଧ୍ୟରେ ଏକ ଭୟଙ୍କର ବିବାଦ ସୃଷ୍ଟି କରିଥିଲା। ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ଏବଂ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରାଜ୍ୟରେ ଏନଇପି କାର୍ଯ୍ୟକାରୀ କରିବା ନେଇ ସପ୍ତାହେ ଧରି ପରସ୍ପରକୁ ଟାର୍ଗେଟ କରିଥିଲେ, ପୂର୍ବତନ ମୁଖ୍ୟମନ୍ତ୍ରୀ ଦାବି କରିଥିଲେ ଯେ କେନ୍ଦ୍ର ବ୍ଲାକମେଲ୍ ଭାବରେ ପାଣ୍ଠି ଅଟକାଇ ଦେଉଛି ।
