ପଡିଲା କ୍ରିକେଟ ଷ୍ଟାଡିଅମର ମୂଳଦୁଆ, କ’ଣ କହିଲେ ପ୍ରଧାନମନ୍ତ୍ରୀ?

ବାରଣାସୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ତାଙ୍କ ସଂସଦୀୟ ନିର୍ବାଚନମଣ୍ଡଳୀ ବାରାଣାସୀର ଗଞ୍ଜରୀରେ ଥିବା ଆନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମର ମୂଳଦୁଆ ପକାଇଛନ୍ତି। ଏହି ଉତ୍ସବରେ ରାଜ୍ୟ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଅଂଶଗ୍ରହଣ କରିଛନ୍ତି।

ଏମାନଙ୍କ ବ୍ୟତୀତ ପୂର୍ବତନ କ୍ରିକେଟର କପିଲ ଦେବ, ସୁନୀଲ ଗାଭାସ୍କର, ସଚିନ ତେନ୍ଦୁଲକର, ରବି ଶାସ୍ତ୍ରୀ, ଦିଲୀପ ଭେଙ୍ଗସରକାର ଏବଂ ବିସିସିଆଇ ସଭାପତି ରୋଜର ବିନି, ବିସିସିଆଇ ସଚିବ ଜୟ ଶାହାଙ୍କ ସମେତ ବହୁ ବଡ ବ୍ୟକ୍ତିତ୍ୱ ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଛନ୍ତି। ଏହି କାର୍ଯ୍ୟକ୍ରମରେ ସଚିନ ତେନ୍ଦୁଲକର ଟିମ୍ ଇଣ୍ଡିଆର ଜର୍ସିକୁ ପିଏମ ମୋଦୀଙ୍କୁ ‘NAMO’ ନାମ ସହିତ ମଞ୍ଚରେ ଉପସ୍ଥାପନ କରିଥିଲେ ।

ଏହି କାର୍ଯ୍ୟକ୍ରମକୁ ସମ୍ବୋଧିତ କରି ପିଏମ ମୋଦୀ କହିଛନ୍ତି ଯେ ବନାରସକୁ ଆସିବା ପରେ ପାଇଥିବା ଅଭିଜ୍ଞତାକୁ ବ୍ୟାଖ୍ୟା କରାଯାଇପାରିବ ନାହିଁ। ସେ କହିଛନ୍ତି ଯେ ଅଗଷ୍ଟ 23 ରେ ଆମର ଚନ୍ଦ୍ରୟାନ ଚନ୍ଦ୍ରରେ ଅବତରଣ କରିଥିଲା । ସେଠାରେ ଗୋଟିଏ ଶିବ ଶକ୍ତିର ମଧ୍ୟ ଏକ ସ୍ଥାନ ଅଛି l ଆଜି କାଶୀରେ ଆନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମର ଭିତ୍ତି ପ୍ରସ୍ତର ସ୍ଥାପନ କରାଯାଇଛି। ଏହି କ୍ରିକେଟ୍ ଷ୍ଟାଡିୟମ୍ କେଉଁ ଆଶୀର୍ବାଦ ଠୁ କମ୍ ନୁହେଁ l କାଶୀରେ ଅନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମର ମୂଳଦୁଆ ପକାଇବା ପରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଏହି ଷ୍ଟାଡିୟମ୍ ଯୁବକମାନଙ୍କ ପାଇଁ ଏକ ଉତ୍ସାହ ହେବ। ସେ କହିଛନ୍ତି ଯେ ଆଜି ବିଶ୍ୱ କ୍ରିକେଟ୍ ମାଧ୍ୟମରେ ଭାରତ ସହ ଯୋଡିହେଉଛି। ଏହି ଷ୍ଟାଡିୟମର ଡିଜାଇନ୍ ମହାଦେବଙ୍କୁ ଉତ୍ସର୍ଗ କରାଯାଇଛି l ପ୍ରଧାନମନ୍ତ୍ରୀ କହିଛନ୍ତି ଯେ ପୂର୍ବରୁ କ୍ରୀଡା କେବଳ ଏକ ଅତିରିକ୍ତ କାର୍ଯ୍ୟକଳାପ ଭାବରେ ବିବେଚନା କରାଯାଉଥିଲା। ବର୍ତ୍ତମାନ ଏହାକୁ ବିଦ୍ୟାଳୟରେ ଏକ ବିଷୟ ଭାବରେ ଶିକ୍ଷା ଦେବାକୁ ନିଷ୍ପତ୍ତି ନିଆଯାଇଛି।