ବିପିଏସସି ପରୀକ୍ଷା ରଦ୍ଦ ମାମଲା: ପାଟନାରେ ହଙ୍ଗାମା-ପୋଡ଼ାଜଳା, ପୋଲିସ ହେପାଜତରେ ପପ୍ପୁ ଯାଦବ

ସୂଚନା ଅନୁଯାୟୀ, ପପ୍ପୁ ଯାଦବଙ୍କ ସମେତ ଅନେକ ଛାତ୍ର ଏବଂ ସମର୍ଥକଙ୍କୁ ହେପାଜତକୁ ନେଇଛି ପୋଲିସ। ‘ବିହାର ବନ୍ଦ’କୁ ନେଇ ପପ୍ପୁ କହିଛନ୍ତି ‘‘ସରକାରଙ୍କର ରାମ ନାମ ସତ୍ୟ କରିବା ଉଚିତ। ଯେଉଁମାନେ ଛାତ୍ର ବିରୋଧୀ ତାଙ୍କର ରାମ ନାମ ସତ୍ୟ ହେ କରିବାର ଆବଶ୍ୟକତା ରହିଛି। ବିହାରର ଜନତା ତଥା ଛାତ୍ରମାନେ ରାସ୍ତାରେ ବିକ୍ଷୋଭ କରୁଛନ୍ତି । ଏହାରି ଭିତରେ ରାଜ୍ୟବାସୀ ବିହାର ବନ୍ଦକୁ ସମର୍ଥନ କରୁଛନ୍ତି।

ସେହିଭଳି ପ୍ରଶାନ୍ତ କିଶୋର ବିଜେପିର ସବୁଠୁ ବଡ଼ ଦଲାଲ ବୋଲି ପପୁ କହିଛନ୍ତି। ସେ କହିଛନ୍ତି, ଏହି ଆଶାୟୀ ମାନଙ୍କ ପାଇଁ ପ୍ରଶାନ୍ତ କିଶୋର ମଧ୍ୟ ଆନ୍ଦୋଳନ କରିଥିଲେ।

ପ୍ରକାଶ ଥାଉକି ଗତ ବର୍ଷ ଡିସେମ୍ବର ୧୩ ତାରିଖରେ ୭୦ତମ ବିପିଏସସି ପ୍ରିଲିମ୍ସ ପରୀକ୍ଷା ହୋଇଥିଲା। ରାଜଧାନୀ ପାଟନାର ଏକ ସେଣ୍ଟରରେ ପରୀକ୍ଷା ରଦ୍ଦ ହୋଇଥିଲା। ଏହା ପରେ ଅସନ୍ତୁଷ୍ଟ ଆଶାୟୀ ଏହାକୁ ନେଇ ବିରୋଧ ପ୍ରଦର୍ଶନ ଆରମ୍ଭ କରି ଏହି ପରୀକ୍ଷାକୁ ରଦ୍ଦ କରିବାକୁ ଦାବି କରୁଛନ୍ତି।