ପୁଣି କମିଲା ସୁନା ଦର: ୫୫ ହଜାର ମୁହାଁ ଖସୁଛି…..

ନୂଆଦିଲ୍ଲୀ: ବେଶ୍ କିଛି ଦିନ ସୁନା ବଜାରରେ ନିଆଁ ଲାଗିଥିବା ବେଳେ ଗ୍ରାହକଙ୍କ ପକେଟକୁ ଭାରି ବାଧୁଥିଲା । ହେଲେ ଏବେ ବିଗତ ଦିନମାନଙ୍କରେ ଆଶ୍ବସ୍ତିକର ସଙ୍କେତ ଦେଉଛି ସୁନା ବଜାର । ଗତ ଦୁଇ ଦିନ ହେବ ଲଗାତାର ସୁନା ଦରରେ ହ୍ରାସ ପରିଲକ୍ଷିତ ହୋଇଛି । କୁହାଯାଉଛି, ଖୁବଶୀଘ୍ର ଏହା ୫୫ ହଜାରକୁ ଖସିବ ।

ଗୁଡ୍ ରିଟର୍ଣ୍ଣସ୍ ଅନୁଯାୟୀ, ଦେଶରେ ସୁନା ମୂଲ୍ୟ ହ୍ରାସ ପାଉଛି । ଆମେରିକୀୟ ଶୁଳ୍କ ମାଡର ସମ୍ମୁଖୀନ ହେବା ପରେ, ଆଜି ସେୟାର ବଜାର ତାର ଗତି ପରିବର୍ତ୍ତନ କରିଛି । ଠିକ୍ ସେହି ସମୟରେ, ସୁନା ମୂଲ୍ୟ ହ୍ରାସ ପାଇଛି। ୨୪ କ୍ୟାରେଟ୍ ସୁନା ୧୦ ଗ୍ରାମ ପିଛା ୬୫୦ ଟଙ୍କା ହ୍ରାସ ଘଟିବା ସହିତ ୮୯,୭୩୦ ଟଙ୍କାରେ ପହଞ୍ଚିଛି । ଗତକାଲି ୨୪ କ୍ୟାରେଟ୍ ସୁନାର ମୂଲ୍ୟ ୯୦,୩୮୦ ଟଙ୍କା ରହିଥିଲା । ସେହିପରି ୨୨ କ୍ୟାରେଟ ସୁନା ଆଜି ୧୦ ଗ୍ରାମ ପିଛା ୮୯, ୭୩୦ ଟଙ୍କାରେ କାରବାର କରୁଛି ।