ଏପ୍ରିଲ ୨୫ରେ ରିଲିଜ ହେବ ଓଡ଼ିଆ ଫିଲ୍ମ ‘ରାକେଟ’

ଭୁବନେଶ୍ବର: ଏପ୍ରିଲ ୨୫ରେ ମୁକ୍ତିଲାଭ କରିବାକୁ ଯାଉଛି ଓଡ଼ିଆ ସିନେମା ‘ରାକେଟ’। ଶ୍ରୀ ମୋସନ ପିକ୍ଚର୍ସ ନିବେଦିତ ଏହି ଚଳଚ୍ଚିତ୍ରର ପ୍ରଯୋଜକ ଅଛନ୍ତି ଶ୍ରୀଲେଖା ପଣ୍ଡା। ନିର୍ଦ୍ଦେଶନା ଦେଇଛନ୍ତି ଜଣାଶୁଣା ଯୁବ ନିର୍ଦ୍ଦେଶକ ସଂଗ୍ରାମ ମହାନ୍ତି। କାହାଣୀ ରଚନା କରିଛନ୍ତି ହେମନ୍ତ ପାତ୍ର । ସଂଳାପରେ ଅଛନ୍ତି ବିଜୟ ମଲ୍ଲ।

କ୍ୟାମେରାରେ ଆର. ଭଗତ ସିଂ ଥିବା ବେଳେ ସମ୍ପାଦନା କରିଛନ୍ତି ସୁକୁମାର ମଣି। ବିଜୟ ମଲ୍ଲ, ଅରୁଣ ମନ୍ତ୍ରୀ ଓ ବସନ୍ତରାଜ ସାମଲଙ୍କ ଗୀତକୁ ସଙ୍ଗୀତରେ ସଜେଇଛନ୍ତି ପ୍ରେମ ଆନନ୍ଦ। ଗୀତଗୁଡିକରେ କଣ୍ଠଦାନ କରିଛନ୍ତି ହ୍ୟୁମାନ ସାଗର, ଦିପ୍ତୀରେଖା ପାଢ଼ୀ, ଶିବାଶିଷ ମିଶ୍ର, ଶ୍ରୀଚରଣ, ଅନନ୍ୟା ଶ୍ରୀତମ ନନ୍ଦ, ପ୍ରଜ୍ଞା ଓ ନିଶାନ୍ତ ମିଶ୍ର। କିଛି ଦିନର ବ୍ୟବଧାନ ପରେ ଏହି ଚଳଚ୍ଚିତ୍ର ଜରିଆରେ ପ୍ରତ୍ୟାବର୍ତନ କରୁଛନ୍ତି ନୃତ୍ୟ ନିର୍ଦ୍ଦେଶକ ଏସ. କେ ମୁରଲୀଧରନ।

ତେବେ ରାଜ୍ୟର ଅଗ୍ରଣୀ ବିତରଣକାରୀ ସଂସ୍ଥା ପ୍ରକାଶ ଫିଲ୍ମସ ଏହାର ବିତରଣ ଦାୟିତ୍ୱ ନେଇଛନ୍ତି। କ୍ରି୍ଏଟିଭ ହେଡ ଅଛନ୍ତି ସମ୍ବିତ ଜେନା। ପ୍ରଚାର ମୁଖ୍ୟ ଭାବେ କାର୍ଯ୍ୟ କରୁଛନ୍ତି ହରପ୍ରସାଦ ମହାପାତ୍ର । ସାମ୍ପ୍ରତିକ ସମୟକୁ ଆଖିରେ ରଖି କାହାଣୀ ରଚନା କରାଯାଇଛି। ଏଥିରେ ବଳିଷ୍ଠ କାହାଣୀ ସାଙ୍ଗକୁ କାହାଣୀରେ ସସ୍ପେନ୍ସ ଓ ଇମୋସନକୁ ବିଶେଷ ଗୁରୁତ୍ୱ ଦିଆଯାଇଛି।