ବିଶ୍ବ ବ୍ୟାଙ୍କ୍ ରିପୋର୍ଟ: ଭାରତରେ ଦ୍ରୁତଗତିରେ କମୁଛି ‘ଅତ୍ୟନ୍ତ ଦାରିଦ୍ର୍ୟ’ହାର,ଗତ ୧୧ ବର୍ଷ ମଧ୍ୟରେ… ଦେଶ ବିଦେଶ

ନୂଆଦିଲ୍ଲୀ: ଏକ ଦଶନ୍ଧି ମଧ୍ୟରେ ଭାରତର ଅତ୍ୟନ୍ତ ଦାରିଦ୍ର୍ୟ ହାର ୫.୩ ପ୍ରତିଶତ ହୋଇଛି ,ଯାହା ୨୦୧୧-୧୨ରେ ୨୭.୧ ପ୍ରତିଶତ ଥିଲା । ବିଶ୍ୱ ବ୍ୟାଙ୍କ ନୂତନ ରିପୋର୍ଟରେ ଏହା ପ୍ରକାଶ କରିଛି । ଦେଶରେ ଅତ୍ୟନ୍ତ ଦାରିଦ୍ର୍ୟ ହାର ୨୦୧୧-୧୨ ରେ ୨୭.୧ ପ୍ରତିଶତରୁ ୨୦୨୨-୨୩ ରେ ୫.୩ ପ୍ରତିଶତକୁ ହ୍ରାସ ପାଇଛି ।

ଭାରତ ୨୦୧୧-୧୨ ଏବଂ ୨୦୨୨-୨୩ ଦଶନ୍ଧି ମଧ୍ୟରେ ୨୬୯ ନିୟୁତ ଲୋକ ଅତ୍ୟନ୍ତ ଦାରିଦ୍ର୍ୟରୁ ମୁକ୍ତ ହୋଇଛନ୍ତି । ଏହାର ଅର୍ଥ ହେଉଛି ପ୍ରାୟ ୨୭ କୋଟି ଲୋକ ଅତ୍ୟନ୍ତ ଦାରିଦ୍ର୍ୟରୁ ମୁକ୍ତ ହୋଇଛନ୍ତି।

ବିଶ୍ୱ ବ୍ୟାଙ୍କ ଆନ୍ତର୍ଜାତୀୟ ଦାରିଦ୍ର୍ୟ ରେଖାରେ ଦୈନିକ $୩.00 ଡଲାର (୨0୨୧ ମୂଲ୍ୟ) ଦାରିଦ୍ର୍ୟ ଆକଳନ କରିଛି। ଏହା ଗ୍ରାମୀଣ ଏବଂ ସହରାଞ୍ଚଳ ଉଭୟରେ ଦାରିଦ୍ର୍ୟରେ ତୀବ୍ର ହ୍ରାସ ଦେଖାଉଛି।

ଏପ୍ରିଲ ମାସରେ ଭାରତ ଉପରେ ଏହାର ‘ଦାରିଦ୍ର୍ୟ ଏବଂ ସମାନତା ସଂକ୍ଷିପ୍ତ ରିପୋର୍ଟ’ରେ, ବିଶ୍ୱ ବ୍ୟାଙ୍କ କହିଥିଲା, “ଗତ ଦଶନ୍ଧିରେ ଭାରତ ଦାରିଦ୍ର୍ୟକୁ ଯଥେଷ୍ଟ ହ୍ରାସ କରିଛି। ଅତି ଦାରିଦ୍ର୍ୟ (ପ୍ରତିଦିନ ଆମେରିକୀୟ ଡଲାର ୨.୧୫ ରୁ କମ୍ ରୋଜଗାର) ୨୦୧୧-୧୨ ରେ ୧୬.୨ ପ୍ରତିଶତରୁ ହ୍ରାସ ପାଇ ୨୦୨୨-୨୩ ରେ ୨.୩ ପ୍ରତିଶତକୁ ହ୍ରାସ ପାଇଛି,ଯାହାଦ୍ବାରା ୧୭୧ ନିୟୁତ ଲୋକଙ୍କୁ ଏହି ସୀମାରୁ ଉପରକୁ ଆସିଛନ୍ତି ।

ତଥ୍ୟ ଅନୁଯାୟୀ, ୨୦୧୧-୧୨ ମସିହାରେ ୫ଟି ରାଜ୍ୟ – ଉତ୍ତର ପ୍ରଦେଶ, ମହାରାଷ୍ଟ୍ର, ବିହାର, ପଶ୍ଚିମବଙ୍ଗ ଏବଂ ମଧ୍ୟପ୍ରଦେଶ – ଦେଶର ୬୫% ଅତ୍ୟନ୍ତ ଗରିବ ଲୋକ ଥିଲେ। ବର୍ତ୍ତମାନ ଏହି ୫ଟି ରାଜ୍ୟ ୨୦୨୨-୨୩ ସୁଦ୍ଧା ଜାତୀୟ ଦାରିଦ୍ର୍ୟ ହ୍ରାସରେ ଦୁଇ-ତୃତୀୟାଂଶ ଅବଦାନ ରଖିଛନ୍ତି।