ରାଜଧାନୀ ଏକ୍ସପ୍ରେସରେ ରିଅଲ ହିରୋ ଆର୍ମି ଯବାନ, ୮ ମାସର ଶିଶୁ ପାଇଁ କଲେ ଏପରି କାମ…

ନୂଆଦିଲ୍ଲୀ: କଥାରେ ଅଛି ରଖେ ହରି ମାରେ କିଏ… ଆଉ ଏହି ଘଟଣା ଆଜି ସତରେ ପ୍ରମାଣିତ ହୋଇଛି। ସୂଚନା ଅନୁସାରେ ଏକ ଟ୍ରେନରେ ଯାତ୍ରା କରୁଥିବା ଜଣେ ଭାରତୀୟ ସେନା ନିଜ ଉପସ୍ଥିତ ବୁଦ୍ଧି ଏବଂ ସାହସ ବଳରେ ଏକ ୮ ମାସର ଶିଶୁର ଜୀବନ ବଞ୍ଚାଇ ଏବେ ଚର୍ଚ୍ଚାକୁ ଆସିଛନ୍ତି। ରିପୋର୍ଟ ଅନୁଯାୟୀ, ୪୫ ଫିଲ୍ଡ ହସ୍ପିଟାଲର ଆମ୍ବୁଲାନ୍ସ ସହାୟକ ସିପାହୀ ସୁନିଲ ରାଜଧାନୀ ଏକ୍ସପ୍ରେସର S4 କୋଚରେ ଛୁଟିରୁ ଫେରୁଥିଲେ। ଏହି ସମୟରେ କୋଚରେ ଥିବା ଏକ ଶିଶୁର ସ୍ୱାସ୍ଥ୍ୟ ହଠାତ୍ ଖରାପ ହୋଇଥିଲା। ପିଲାଟିର ଶ୍ୱାସକ୍ରିୟା ସମସ୍ୟା ଦେଖାଦେଲା ଏବଂ ସେ ଅଚେତ ହୋଇଗଲା। ଶିଶୁର ଏପରି ଅବସ୍ଥା ଦେଖି ଶିଶୁର ମାଆ ମଧ୍ୟ ଭୟରେ ଚେତାଶୂନ୍ୟ ହୋଇଗଲେ, ଯାହା ଫଳରେ କୋଚରେ ଆତଙ୍କ ଖେଳିଗଲା।

ଏହି ସମୟରେ ଟ୍ରେନରେ ଯବାନ ସୁନିଲ ନିଜର ଉପସ୍ଥିତି ବୁଦ୍ଧି ଲାଗଇ ପିଲାଟିର ପାଟିରେ ମୁହଁ ଲଗାଇ ଶ୍ୱାସ ଦେବାକୁ ଲାଗିଲେ। କିଛି ମିନିଟ୍ ମଧ୍ୟରେ, ପିଲାଟି ପୁଣି ନିଶ୍ୱାସ-ପ୍ରଶ୍ୱାସ ଆରମ୍ଭ ହେଲା, ଫଳରେ ଶିଶୁଟିର ଜୀବନ ବଞ୍ଚିଗଲା। ଏହି ଘଟଣାକୁ ନେଇ ଯବାନଙ୍କୁ ସମଗ୍ର କୋଚ ପ୍ରଶଂସା କରିଥିଲେ। ଏଠାରେ ଯବାନଙ୍କୁ ରିଅଲ ହିରୋ କହି କର ତାଳି ଦେଇଥିଲେ।

ଏହି ଘଟଣା ତାଲିମପ୍ରାପ୍ତ ଡାକ୍ତରୀ କର୍ମଚାରୀଙ୍କ ଗୁରୁତ୍ୱପୂର୍ଣ୍ଣ ଭୂମିକାକୁ ଉଜ୍ଜ୍ୱଳ କରିଥାଏ, ସେମାନଙ୍କ ସେବା ବାହାରେ ମଧ୍ୟ। ସିପାହୀ ସୁନୀଲଙ୍କ ସମୟୋଚିତ, ବୃତ୍ତିଗତ ଏବଂ ନିଃସ୍ୱାର୍ଥପର କାର୍ଯ୍ୟ ନିସନ୍ଦେହରେ ଏକ ସମ୍ଭାବ୍ୟ ଦୁଃଖଦ ପରିସ୍ଥିତିକୁ ଏଡ଼ାଇ ଦେଇଥିଲା ଏବଂ ଅନେକ ଯାତ୍ରୀଙ୍କୁ ଆଶ୍ୱସ୍ତ କରିଥିଲା। ଉକ୍ତ ଯବାନଙ୍କ ନିର୍ଣ୍ଣାୟକ କାର୍ଯ୍ୟ ଏବଂ ଶାନ୍ତ ସଂଯମତା ସମଗ୍ର ଦେଶକୁ ପ୍ରେରଣା ଦେଇଛି।