ସରିଲା ଅପେକ୍ଷା ; ଖୁବ୍ ଶୀଘ୍ର ‘ବିଗ୍ ବସ୍ ୧୭’..
ଖୁବ ଶୀଘ୍ର ଆସୁଛି ‘ବିଗ୍ ବସ୍ ୧୭’। ଦର୍ଶକଙ୍କ ଅପେକ୍ଷା ଶୀଘ୍ର ଶେଷ ହେବ। ଆପଣଙ୍କ ପ୍ରିୟ ଶୋ’ର ଖୁବ୍ ଶୀଘ୍ର ପ୍ରିମିୟର ହେବ। ଶୋର ପ୍ରଥମ ପ୍ରୋମୋ ଆସିବା ମାତ୍ରେ ଦର୍ଶକଙ୍କ ଉତ୍ସାହ ବୃଦ୍ଧି ପାଇଥିବା ନଜର ଆସିଛି। ବିଗ୍ ବସ୍ ଓଟିଟି୨ର ସଫଳତା ଏବଂ ଲୋକପ୍ରିୟତା ପରେ, ପ୍ରଶଂସକମାନେ ଉତ୍ସାହର ସହିତ ଟିଭିରେ ଆସିବାକୁ ଅପେକ୍ଷା କରିଛନ୍ତି। ‘ବିଗ୍ ବସ୍ ୧୭’ର ପ୍ରିମିୟର ତାରିଖ ଏପର୍ୟ୍ୟନ୍ତ ଆନୁଷ୍ଠାନିକ ଭାବେ ପ୍ରକାଶ କରାଯାଇ ନାହିଁ ।
କୁହାଯାଉଛି ଯେ ଏହି ଶୋ’ର ତାରିଖ ଖୁବ୍ ଶୀଘ୍ର ପ୍ରକାଶ ପାଇପାରେ। କିଛି ରିପୋର୍ଟ ଅନୁଯାୟୀ, ବିଗ୍ ବସ୍ ଆସନ୍ତା ମାସ ଅର୍ଥାତ୍ ଅକ୍ଟୋବରରେ ଆରମ୍ଭ ହୋଇପାରେ।ବିଗ୍ ବସ୍ ୧୭ ଗତ ୧୩ ସିଜନ୍ ରେ ସୁପରଷ୍ଟାର ସଲମାନ ଖାନଙ୍କ ଦ୍ୱାରା ଆୟୋଜିତ ହୋଇଥିଲା। ଏହି ସିଜନ୍ ରେ ମଧ୍ୟ ବଲିଉଡର ଦବଙ୍ଗ ଖାନ ଏହି ଶୋ’ ଆୟୋଜନ କରିବାକୁ ଯାଉଛନ୍ତି। ଏହି ଶୋ ବହୁତ ଲୋକପ୍ରିୟ ଏବଂ ଦର୍ଶକ ମଧ୍ୟ ଶୋ’ରେ ସଲମାନଙ୍କୁ ଦେଖିବାକୁ ଚାହାଁନ୍ତି । ସଲମାନ ଖାନ ପୁଣି ଥରେ ତାଙ୍କର ଯାଦୁ ସହିତ ବିଗ୍ ବସ୍ ର ନୂଆ ଆୟୋଜନ କରୁଥିବା ଦେଖିବାକୁ ମିଳିବ ।
ନୂଆ ସିଜନ୍ ରେ ଏହି ଶୋ’ରେ ଅଙ୍କିତା ଲୋଖଣ୍ଡେ, ଐଶ୍ୱର୍ୟ୍ୟା ଶର୍ମା, ଅଞ୍ଜୁମ୍ ଫାକିହ, ଅର୍ଜିତ ତାନେଜା, ଅଭିଷେକ ମାଲହାନ୍, ମନୀଷା ରାନୀ, ହର୍ଷ ବେନିୱାଲ୍, ମୁନାୱାର ଫାରୁକି, ଅଞ୍ଜଲି ଆରୋରା ଏବଂ ଆୱେଜ୍ ଦରବାର ବିଗ୍ ବସ୍ ଘରେ ଦେଖାଯାଇ ପାରନ୍ତି।
ଏଥର ବିଗ୍ ବସ୍ ‘କଲର୍ସ ଟିଭି’ ଏବଂ ‘ଜିଓ ସିନେମା’ରେ ପ୍ରସାରିତ ହେବ। ଗତ ସିଜନ୍ ପରି, ଏହି ସିଜନ୍ ରେ ମଧ୍ୟ ଶୋ ଆପଣଙ୍କୁ ରାତି ୯ ଟାରୁ ୧୧:୩୦ ପର୍ୟ୍ୟନ୍ତ ମନୋରଞ୍ଜନ କରିବ । ପ୍ରଶଂସକମାନେ ଏହାକୁ ଓଟିଟି ପ୍ଲାଟଫର୍ମରେ ଲାଇଭ୍ ଦେଖିବାରେ ସକ୍ଷମ ହେବେ । ଏହି ଶୋ’ର ପ୍ରୋମୋରେ କିଛି ବିବରଣୀ ଦିଆଯାଇଛି । ଯେଉଁଥିରେ ସଲମାନ ଖାନ ତିନୋଟି ପୋଷାକ ଏବଂ ପଛପଟ ଦୃଶ୍ୟ ପରିବର୍ତ୍ତନ ହେଉଥିବା ଦେଖାଯାଏ । ପ୍ରୋମୋରେ ସଲମାନ କହୁଛନ୍ତି, ‘ପ୍ରତ୍ୟେକ ଥର କେବଳ ବିଗ୍ ବସ୍ଙ୍କ ଆଖି ଦୃଶ୍ୟମାନ ହୁଏ କିନ୍ତୁ ଏଥର ତିନୋଟି ଅବତାର, ହୃଦୟ, ବୁଦ୍ଧି ଓ ସାହସ ଦେଖାଯିବ।’
